2023 წლის 28 თებერვალს კოლეჯ „სპექტრში“ წყალარინების სისტემების ექსპლუატაციის ახალი საწარმო საზეიმოდ გაიხსნა.
პირველად საქართველოში ამიერკავკასიის მასშტაბით კოლეჯი „სპექტრი“ და კომპანია „ევრომასტერი“ იწყებენ გერმანული პროფესიული განათლების სისტემის განხორციელებას – ერთობლივი პროფესიული პროგრამით „წყალარინების სისტემების ექსპლოატაცია“. სასწავლო პროგრამა გერმანიის საერთაშორისო თანამშრომლობის საზოგადოების (GIZ) ჩართულობით შემუშავდა.
საქართველოს მთავრობის 2022 წლის 07 თებერვლის N224 განკარგულებით შპს ევრომასტერს“ 15 წლით სარგებლობაში, უსასყიდლოდ გადაეცა სსიპ – კოლეჯ „სპექტრის“ შენობა, მასში „წყალარინების სისტემების ექსპლოატაციის“ ახალი საწარმოს კეთიმოსაწყობად. შენობის რეაბილიტირებისა და სრული აღჭურვისათვის კომპანია „ევრომასტერმა“ 5 მილიონი ლარის ღირებულების ინვესტიცია განახორციელა.
საქართველოს განათლებისა და მეცნიერების სამინისტრომ აიღო ვალდებულება თანამშრომლობის ფარგლებში, პროფესიულ საგანმანათლებლო პროგრამებზე ჩარიცხული სტუდენტები და პროფესიული მომზადებისა და გადამზადების პროგრამებზე ჩარიცხული მსმენელები, რომელთაც აქვთ შესაბამისი საჭიროება უზრუნველყოს საცხოვრისით.
გახსნის დღეს გაფორმდება PPP ხელშეკრულება საქართველოს განათლებისა და მეცნიერების სამინისტროს, კოლეჯ „სპექტრსა“ და კომპანია „ევრომასტერს“ შორის.