2023 წელი კომპანია ბორუსან კატმა სიახლით დაიწყო და 2 თებერვალს კოლეჯ „სპექტრში“ თავისი ინიციატივითა და ფინანსური მხარდაჭერით სასწავლო ცენტრი გახსნა. ბორუსან კატი საქართველოს ბაზარზე 25 წელია ოპერირებს, როგორც კატერპილარის ოფიციალური დილერი და მომხმარებელს საგზაო სამშენებლო ტექნიკას და ენერგო სისტემებს სთავაზობს.
კოლეჯ „სპექტრთან“ კომპანია ბორუსან კატს ხანგრძლივი ურთიერთობა აკავშირებს. სტაჟირების პროგრამით თანამშრომლობის ფარგელბში უკვე არა ერთმა კოლეჯის სტუდენტმა გაიარა სტაჟირება და დასაქმდა კიდეც.
ღონისძიების საპატიო სტუმრებს შორის იყვნენ თურქეთის რესპუბლიკის საელჩოს მრჩეველი განათლების საკითხებში სუათ ქოლუქირიქი, განათლების და მეცნირების სამინისტროს პროფესიული განათლების განვითარების დეპარტამენტის უფროსი თამარ კვინიკაძე, პროფესიული უნარების სააგენტოს დუალური სწავლების განვითარების კოორდინატორი პეტრე წულუკიძე, ბორუსან კატისა და კოლეჯ „სპექტრის“ წარმომადგენლები.