კოლეჯი ,,სპექტრი“ აქტიორად თანამშრომლოს ისან-სამგორის რაიონში (და არა მხოლოდ) არსებულ საჯარო და კერძო სკოლებთან. სკოლის მოსწავლეები ყოველწლიურად სტუმრობენ კოლეჯს და ეცნობიან სასწავლო პროგრამებსა და ინფრასტრუქტურას. ასევე, მუდმივად ეწყობა ვიზიტები სკოლებში მოსწავლეებისთვის პროფესიულ განათლებაში არსებული სიახლეების გასაცნობად.
2019 წელს კოლეჯ სპექტრსა და კერძო სკოლა ,,აიბი მთიებს“ შორის გაფორმდა ურთიერთთანამშრომლობის მემორანდუმი, რომლის ფარგლებში სკოლის მე-11 კლასის მოსწავლეები ყოველწლიურად ირჩევენ კოლეჯის მიერ შეთავაზებულ მოკლვადიან სასერტიფიკატო კურსებს და კოლეჯის ბაზაზე ეუფლებიან სხვადასხვა პროფესიებს.
ურთიერთთანამშრომლობის მემორანდუმი პროფესიულ კოლეჯსა და საჯარო სკოლას შორის
პროფესიულ კოლეჯსა და საჯარო სკოლას შორის ურთიერთთანამშრომლობის მემორანდუმი მიზნად ისახავს მხარეების საგანმანათლებლო საქმიანობის ხელშეწყობას, პროფესიული განათლების სისტემის განვითარებას და მოქნილობის უზრუნველყოფას. ამ პროცესში განსაკუთრებული ყურადღება ექცევა პროფესიული განათლების წახალისებას და სკოლასა და კოლეჯს შორის ეფექტიანი თანამშრომლობის ჩამოყალიბებას, რაც ხელს შეუწყობს სტუდენტების უკეთეს მომზადებას და დასაქმების შესაძლებლობებს.
მემორანდუმის ფარგლებში, მხარეები თანხმდებიან, რომ აქტიურად მიიღებენ მონაწილეობას პროფესიული ორიენტაციისა და კარიერული განვითარების კუთხით დაგეგმილ ღონისძიებებში. ასევე, მზადყოფნას გამოთქვამენ მონაწილეობა მიიღონ კოლეჯის მიერ ორგანიზებულ სხვადასხვა ღონისძიებებში, რომლებიც მიზნად ისახავენ სტუდენტების ცოდნის, უნარ-ჩვევებისა და საკვალიფიკაციომომპლექტების განვითარებას.
აღნიშნული თანამშრომლობა ხელს შეუწყობს ორივე მხარის საგანმანათლებლო პროცესების გაუმჯობესებას და პრაქტიკული გამოცდილების გაზიარებას, რაც საბოლოო ჯამში, სასწავლო პროცესის ხარისხის ამაღლებას, ახალგაზრდების მომზადებასა და მათი დასაქმების შანსების გაუმჯობესებას განაპირობებს.
