21-ე საუკუნეში დიდი მოთხოვნაა კვალიფიციურ ადამიანურ კაპიტალზე, ამიტომ კოლეჯი „სპექტრი“ ცდილობს, სტუდენტებს/მსმენელებს სხვადასხვა ტიპის პროგრამები შესთავაზოს, რათა მაქსიმალურად გაზარდოს მათი დასაქმება. ჩვენ გვყავს 100-ზე მეტი პარტნიორი კომპანია, რომელთაც კარგად ესმით, რომ ცოდნისა და უნარების განვითარებაში შეტანილი მათი წვლილი, მათივე ბიზნესის მდგრადი ზრდის გარანტიაა.
ინოვაცია სწავლებაში ჩვენი ერთ-ერთი პრიორიტეტია, გვაქვს თანამედროვედ აღჭურვილი 23 კაბინეტ-ლაბორატორია მათ შორის 6 ბრენდირებული, 12 სასწავლო სახელოსნო, 3 ინოვაციური ტექნოლოგიების ლაბორატორია (FABLAB), რომელთა ტექნიკური აღჭურვა სრულად უზრუნველყვეს კოლეჯის პარტნიორმა კომპანიებმა.
საქართველოს განათლების, მეცნიერებისა და ახალგაზრდობის სამინისტროს, კოლეჯ „სპექტრსა“ და კომპანია „ევრომასტერს“ შორის გაფორმებული PPP ხელშეკრულების ფარგლებში 2023 წელს კოლეჯს შეემატა წყალარინების სისტემების ექსპლუატაციის ახალი საწარმო, რომლის ბაზაზე ხორციელდება დუალური ტიპის სწავლება.
2023 წელს კოლეჯ “სპექტრში“ კომპანია ,,ბორუსან კატ საქართველოს“ ინიციატივითა და ფინანსური მხარდაჭერით ახალი სასწავლო ცენტრი გაიხსნა. სასწავლო სივრცე კოლეჯის სტუდენტებსა და დაინტერესებულ პირებს შესაძლებლობას მისცემს გაეცნონ და შეისწავლონ ბრენდ „კატერპილარის“ მიერ წარმოებული მძიმე ტექნიკის უახლესი აღჭურვილობები.
2024 წლიდან კოლეჯში ახორციელებს რკინა-ბეტონის წარმოების დუალურ პროგრამას კომპანია „INSI-Construction“-თან ერთად.
2025 წელს საერთაშორისო კომპანია „Grohe“-ს მხარდაჭერით კოლეჯს შეემატება სანტექნიკის სისტემების ექსპლოატაციის ახალი სასწავლო ლაბორატორია.
